![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Të tjera detaje janë zbuluar nga sherri i mbrëmshëm i prezantueses së njohur Luana Vjollca dhe arsyet pse i dashuri i saj Krenar Çoçaj u rrah nga fansi “i çmendur i Luanës”. I identifikuar tashmë si Besmir Lila, 31-vjeçari duket se e ndjek ngado ku shkon Luana Vjollcën.
E gjithë ngjarja është zbardhur që nga momenti, kur fansi i fiksuar pas Luanës i afrohet tek makina dhe nisja e sherrit, raporton BalkanWeb.
Ngjarja
Luana ka qenë quke ecur në rrugën “Teodor Keko” në Unazë të Re me makinën e saj, ndërsa nga pas ka qenë i dashuri Krenar Çoçaj me një makinë “Range Rover”.
Kur kanë qenë pranë një semafori, makinat kanë ngecur në trafik dhe në ato momente Besmir Lila i ka prerë rrugën Luana Vjollcës, duke i shkuar tek xhami i makinës, ku i ka kërkuar që ta hapë dhe të komunikojë me të.
Duke parë ketë situatë, i dashuri i saj, i cili ka qenë në dijeni të përndjekjeve këmba-këmbës prej 3 muajsh të Lilës, nuk ka duruar dot dhe i ka kërkuar këtij të fundit që të mos e shqetësojë më Luanën.
Por Lila i është përgjigjur me dhunë, duke e grushtuar Çocajn. Në këtë konflikt është përfshirë edhe Luana, e cila ka tentuar të ndajë djemtë.
Në konflikt e sipër, Lila ka tentuar të nxjerrë nga çanta dhe një pistoletë, por fatmirësisht nuk mundi ta përdorte, pasi pak minuta më vonë në zonë ka qenë duke patrulluar Shefi i Krimeve të Komisariatit nr. 6 së bashku me një patrullë, e cila ka ndërhyrë menjëherë duke bërë shoqërimin e dy djemve në komisariat.
Policia sekuestroi dhe armën pa leje që posedonte Besmir Lila. Pas marrjes në pyetje i dashuri i Luanës u la i lirë, ndërsa Besim Lila u arrestua në flagrancë për “përndjekje dhe armëmbajtje pa leje”.